تخـرجي ! !

اليوووم يووم الثلاثة 29-6 انتهينا من آخر امتحاآن . .

عبرنا عن وناآآستناآ بالألوآن. . أول ماطلعنا من صالة الامتحااآن . . كانت الألوان تنطرنا . . كل وحده خـذت علبة .. ولوناآ بعـض . . كل وحدة تنحاش من الثانية . .

طلعنا من المدرسة بمريول مو كحلي . . وحجآآب مو أبيض D:

وويه ملون p:

مزقنا صورة وشكل معين ماراح نردله مرة ثانية . . 

من لحظة رجعنا البيت . . واحنا ننتظر اللحظة اللي بيعلنون فيها النتايج !!

قالولنا أن نتايجنا تطلع يوم الأربعااآ 30-6

أربع وعشرين ساعة نتواصل وياآ بعض . .

شابكين الخطوط . .

نورة وأروى ومنيرة

ومرات يشبكون معانا آلاء وأنفال وأمينة وفطوم ونور

نسولف بالموبايل وبالـ facebook ..

أروى: شهد  أبوها بالكنترول قالها لما تطلع النتايج بيقولها عن نتيجتي

منيرة : الله يستر . . عاد طلعي نسبتي معاج .. هذا رقم جلوسي 70307

نورة : أنا واحد يصير لنا بيطلعها

ومرررر اليوم ومحد طلعت نسبته. . وكتبوا بالجرايد ان نتايجنا أجلوها لي يوم الخميس 1-7 . . واحنا بس نحاتي

يووم الأربعاآ الساعة 1:00 بالليل

دقت علي منيرة وشبكتني مع نورة

منوور : أرووي درييتي !

أروى : شنوو ؟

نورة : طيووب طلعت نتيجتها

أروى : شلوووون !!

منيرة : أخوهاآ طلعها لهاآ .. نسبتها 93,6

أروى : وناآآسة نسبتها حلووه.. عقباالنا .. أبوي دق على وااحد يعرفة وقاال بيطلعلي نتيجتي

...

وصآآر صبح يووم الخميس والساعة ست دقت علي منيرة وقعدتني

وسألتني عن الأخبار .. أذا في شي يديد .. بس ماكو

قعدنا نسولف 

وفجأة دق علي ابوي .. قتلهم لحظة ورديت عليه ^^

أبووي : السلام عليكم. . هااشصاآر طلعت النسبة ..

أنا : لا والله ماطلع شي

أبووي : لا طلعت . . مبروووووك .. خوش نسبة 

أنا : جم جم ؟

أبوي: ........

أنا : يآآآي وناآآآسة . .

أرفع السماعة الثانية : منوووووور طلعت نسبتي طلعت

نورة ومنيرة : ونااآآآسة جم جم ؟

..............

أترك لكم الباقي . .